BE.230 Logu no.182
HO TONGTONG IHUTHONONKU

Ayat 1
Na malungun do rohangku Mida Jesus Tuhanki
Ai disesa do dosangku Diurasi rohangki
Dibagasan parsahitan Marsigantung au tu Ho
Olo do au mangihuthon PanoguonMi tu Ho.

Ayat 2
Sai palua ma rohangku Sian na di tano on
Asa Ho hangoluanku Dohot hasonangankon
Beta hita tu Ibana Tabege hataNa i
Holong situtu rohaNa Patut oloanta i.

Ayat 3
Sangkap nang pangidoanta Dohot na tahirim pe
Ro di angka pingkiranta Di Tuhanta ma sude
Tapararat ma hataNa Tu na so porsea i
Atik saut dope mardame Angka na manjua i.

Ayat 4
Molo pos roham di Jesus Tinggal di tanganNa i
Sonang ma roham sai tulus Do huhut sinangkapMi
Jadi sai togihononNa Ho muse tu surgo i
Gabe nasa ugasanNa Dohot ho manean i.
